Estas son as actividades que vos propoñemos para este mes.
Consideramos que se poden adaptar a todos os niveis, así que animádevos a poñelas en práctica.
Libro "Eu son paz"
Esta é unha fantástica proposta para que o noso alumnado coñeza o mundo da relaxación e o mindfulness.
Lédelle o conto ao voso alumnado. Deixámosvos aquí esta versión en galego. Podedes descargala pinchando na seguinte imaxe:
Ou, se preferides, podedes visionar o conto no seguinte vídeo en castelán:
Unha vez que leades o libro propoñémosvos facer a seguinte relaxación.
A cápsula do medo
Esta actividade consiste en meter nunha cápsula (que pode ser un bote de cristal) os medos que o alumnado escribíu previamente nun papel.
Antes de introducilos na cápsula cada alumno ou alumna deberá explicar a todas as compañeiras e compañeiros cal é o seu
medo e o resto deberá darlle estratexias para superar ese medo.
Ao final de curso abrirase a cápsula dos medos e farase un análise de como avanzou cada un no xeito de enfrontarse a eses
medos.
A maleta da positividade
Cada alumna e alumno terá unha maleta impresa en cartolina (incluso de cores) que podedes descargar pinchado na seguinte
imaxe:
Entre todos e todas iremos dicindo cousas, lugares, situacións que nos fan sentir ben e cada un irá escribindo as que máis lle
gusten na súa maleta.
Levaran a maleta recortada para a súa casa e poderana colgar pola asa onde a teñan á vista. Deste xeito, cada vez que se sintan mal poderán recordar aquelas cousas ás que poden acudir para sentirse mellor.
Para os nenos e nenas máis pequenos, que aínda non saben escribir, deixámosvos debuxos para que recorten e peguen na
maleta.
Esperamos que estas actividades vos resulten interesantes e poñades algunha en práctica.
Para rematar deixámosvos algúns libros máis relacionados coas temáticas que se traballan este mes e
que tedes á vosa disposición na biblioteca do centro:
Genial compañeros!
ResponderEliminar