CONVIVENCIA CEP ALTAMIRA

Como cada 25 de novembro conmemoramos o Día internacional da eliminación da violencia contra a muller. Enmarcado dentro das actividades relacionadas con esta data, púxose en marcha o concurso de lemas e logos do 5 N. Aquí podedes ver todos os traballos finalistas. O lema e logo gañadores foron usados polo concello de Salceda de Caselas para presentar a súa programación de actividades do 25N. Ademais creáronse camisetas e chapas co lema e co logo que levaron como premio as finalistas e todo o alumnado participante no concurso. O propio 25N todo o CEP Altamira se xuntou na praza do concello para gardar un minuto de silencio en recordo e homenaxe ás vítimas de violencia de xénero e ler un manifesto.  Ademais levouse a cabo a performance "Derrubamos os muros" no que alumnado do centro derrubou un muro formado por caixas con palabras escollidas polos nenos e nenas que queremos que deixen de estar relacionadas coa muller porque... BASTA! Estamos fartas.

As nosas mediadoras e mediadores xa están listas e listos para comezar a traballar así que hoxe comezaron a visitar as aulas exlicándolle a todo o alumnado cal é a súa función, donde poden atopalos, en que casos poden ir a mediar e a solventar todas as dúbidas que os nenos e nenas podían ter. A próxima semana comezan! Moito ánimo rapazada!

Hoxe comezan a traballar os "Axentes Verdes". Estas patrullas buscan concienciar a todo o alumnado da importancia de manter os patios limpos.  Estes axentes traballarán nas horas de recreo por quendas dunha semana cada aula recordando a todas as nenas e nenos que os espazos de recreo son unha zoa común que temos que manter limpa entre todos e todas para unha mellor convivencia e coidado do noso planeta. 

Os nosos mediadores e mediadoras xa case están listos para comezar a traballar. O alumnado seleccionado estivo formándose en profundide estes días para lanzarse mans á obra nas próximas semanas. O primeiro paso será pasar polas aulas presentándose e explicándolle a todo o alumnado en que consiste a súa función. Esperamos que teñan moi boa acollida. Aquí está o oso equipo de mediadores ben concentrados en non perder detalle da formación.

 Redobre de tambores... temos unha grande noticia!!! O próximo luns comeza no recreo o obradoiro de meditación. Animádevos a participar. Encataravos! Recordade que podedes traer unha alfombriña, farrapo, esterilla... ou o que mais vos apeteza para estar ben cómodos e cómodas.